講返我自己先，我叫馬場天，很多人叫我做場天。其實我的姓是馬場，名字是天，二十二歲，喜愛去旅行的普通男性，可能因為有d宅，未有女朋友。而我父親為日本人，在香港日資公司工作，母親是香港人。我是家中細仔，對上仲有一個大家姐及兩個阿哥。我們一家平時用日文、廣東話交談。
「事件」發生之前﹐我一直是一名普通的斜槓族(Slashie)。在大學時期已經開始到不同機構教班，大學畢業後，這種工作模式一直延續，只是教的班多了、密了。我教的班有攝影班、繪畫班、電腦程式班、日文班等。基本上全部都係教入門級，如果大家有上過這些課外班都應該知，入門班至專業班的學生人數相差好遠，是一個金字塔般。所以對入門班導師的需求其實唔細。而我平日通常四點後才開始工作，星期六日則全日工作，但一星期只工作四至五天。至於我為何不找一份「正常的工作」，因為我發現這種工作模式，人工仲多於一份正常的正職。重點是只要提早通知公司，請假是很容易的。加上，我和各機構的關係良好，若有十日八日不上班也不難處理，只需搵到其他導師頂替，或者與學生傾好之後補回都得。
我很享受這種自由的「工作模式」，要不是「事件」發生，我應該會一直維持這種模式生活吧。
而由於我每年去旅行嘅次數都很多，大概一年八至十次左右吧。經常都聽到朋友說，你又唔洗做呀，又飛，果然是無腳嘅雀仔...而事實上，現在去旅行並不貴﹐平有平玩，好過放假留在細細的香港吧。
ns 15.158.61.8da2
