昨日，倪匡先生已火化，對一個90歲高齡之人，安詳離去是最好不過。
生前都係有名飲酒寫作，據聞每朝將稿件掛門前，由他人前來接領，日間呼呼大睡，晚上縱飲寫作。如此身體，能步上高齡已是不錯。
網絡上大多人記念他的衛斯理小說系列。正好在法國，電影《原振俠與衛斯理》推出了藍光影碟，倪匡在此片開段客串，飾演自己，與自己創作的人物衛斯理（周潤發）及原振俠（錢小豪）交談。
衛斯理的影視作品不計其數，我並未全部看過，但心中最合乎書中無賴卻又俠義形象，又合符身手的，是錢嘉樂於《衛斯理之霸王卸甲》的演出。
但係，倪匡先生最令我印象深刻嘅，除咗代寫《天龍八部》整盲阿紫激到金庸彈起一事，係一句「未畀狼咬過屎忽定啦！」
164Please respect copyright.ＰＥＮＡＮＡ3S5OSvAkBw
一次偶然，睇到倪匡嘅訪談片段，當時內地小說《狼圖騰》正值熱門，主持就問倪匡有何意見。
倪匡先生大可答不知，然而，佢顯然有了解過《狼圖騰》嘅內容，就回答「寫到啲狼咁好，未畀狼咬過屎忽定啦！」緊接講述自己南下逃港時，晚上響深山老林會聽到野獸叫聲，需要生火置放四個火堆包圍自己方能安全入睡。
《狼圖騰》嘅故事，明抄《與狼共舞》，不同之處，《與狼共舞》批評百多年前美國驅趕原住民之政策，《狼圖騰》卻在骨子裡歌頌守疆護土之情。
有啲嘢，懶得明說，明擺着是愛國宣傳，問係多餘。
164Please respect copyright.ＰＥＮＡＮＡfg9UJMNYve
眼看香港前景，此時離開，可能是福。
ns 15.158.61.42da2
