梓旻立即把臉上的毛巾拿下，望向那熟悉的身影大叫：「鹿仔！」
「兩個O隊新仔畢業試同可以睇住可能係殺朋友嘅怪物死，點可以唔係現場呀？」鹿仔笑言，似乎他已經回復狀態
「你話唔止練瞄準即係點？」澈硯立即問
「當然係合作啦！雖然澈硯頭先的確係冇乜用咁 (澈硯立即低下頭)，但都因為亞旻你未製造到機會俾澈硯出手。你地都應該知道澈硯嘅缺點係只可以近身戰，就應該搵辦法彌補呢個不足！」鹿仔有點嚴厲地說，這讓梓旻有點沮喪。接著，鹿仔轉換成一個輕鬆的語調：「但唔使擔心！你地有我！」
「你同我地練？可以復職嗱？」梓旻眉飛眼笑問
「當然唔係啦！復職就唔可以同你地練啦！仲唔俾雲耳木耳殺咗我？」鹿仔笑回：「我下星期先復職，但復前可以陪下你地練！」
就此，他們就開始了一星期的訓練，在鹿仔的提點下，二人的合拍度也增加了不少。雖然第二個星期鹿仔要回到工作岡位而無法一同訓練，但他們也不太需要他的幫助。來到第二次考試，他們再穿好制服來到觀察室，再度面度那道大閘，再度聽到Lina問：「你地準備好未？」
他們再度姿勢，用比上次更大聲更肯定的回答：「準備好！」
大閘上的燈轉成紅色，二人盯實閘門。閘門打開後數秒，那如蜘蛛般的紅核從閘內爬出來，它似乎認得梓旻是上次攻擊它的人，身體坐下似乎準備向著梓旻跳過去，但梓旻這次沒有等待，在紅核跳起前就把AP集中在鎚子上，向紅核發射AP攻擊。
可是紅核非常敏捷，它立即向高處跳起避開攻擊，梓旻見狀立即把AP集中腳上，再向它跳過去。兩者在空中相撞，梓旻的攻擊似乎更勝一籌，一下子把紅核壓在地上。此時澈硯已走到他們附近，舉起手發出攻擊紅核，可惜紅核縮起身體滑走。
可能因為澈硯發出攻擊讓紅核意識澈硯的危險性，紅核把目標轉為澈硯，滑走後向澈硯衝過去。梓旻立即轉用尖頭一邊向紅核發射AP攻擊，紅核被擊中後未有倒下，又跳至牆壁上停了下來。它被擊中的傷口流出深紅色液體，它用觸手輕撫傷口，然後張開口大叫。本來只是張開口大叫也沒什麼好怕，但最令人不安的是它的聲音聽起來不似一隻怪物的叫聲，那便像一個男子的叫聲。
那淒楚的人類男子叫聲令梓旻遲疑了數秒，紅核趁機偷襲，澈硯立即大叫「亞旻！」再向梓旻的右腿發出AP，令梓旻跪下避開紅核。
「唔該！」梓旻道謝
「得唔得？我已經控制咗，應該好快冇事！」澈硯問
「已經冇事！照計劃，我地分開企啦！」梓旻的右腿只是一點痛，可以立即站起來，再擺好姿勢準備迎接下一次攻擊
他們這次分開站，紅核在牆上觀察了他們一會，便鎖定了梓旻。紅核面向梓旻，身體微微向後蹲下，再一躍而下，梓旻隨即大叫：「澈硯！」
「得！」澈硯在紅核身體向後蹲下的那刻已估計它的起跳路線，就在紅核跳起那一刻，澈硯用盡力發出AP，紅核的行動立即變慢，梓旻再用鎚子平頭一邊打出AP，紅核的身體被打穿了一個大洞，甚至它的核也被粉碎了
紅核掉在地上的一瞬間，擴音器傳來Lina的聲音：「考試合格！」131Please respect copyright.ＰＥＮＡＮＡNdmJWiMhmL
131Please respect copyright.ＰＥＮＡＮＡRxLIF8ezny
