ꀋꃋ,ꉢꊰꉆꈭꌠꍏꑷꊈꑼꉼꎁꃅꃀꀉꒉꈿꅉꏭꅇꄜꂿ
642Please respect copyright.PENANA9pMGeBBZ01
ꍏꇩꇭꍣꄈꊯꈬꃢꌠꇩꏤꑭꊂꁧꎁꃀꀉꒉꈿꌠꆹ,ꐊꑷꃅꊼꇅꌣꈚꌠꐧꋦꋈꄻꐛꌠꂫꋓꊋꐛꊬꌠ、ꍏꇩꐛꐨꐧꋦꉪꏦꃅꋊꀊꏀꋎꌠꇬꃹꌠꀋꉬꀋꉆꊬꌠꇬꈿꌠꃀꀉꒉꀋꂿꑘꐯꀋꂿꑘꌠꑠꋍꃢꉬ
642Please respect copyright.PENANAlv17EjgsRE
ꃀꀉꒉꈿꌠꅇꀨꆏ:ꇬꂾꉪꐨꎺ,ꂿꃆꎺꈬꃅ,ꍏꇩꐛꐨꐧꋦꉪꏦꁈꁧꇰꀋꃀꌠꀊꂥꃅꐕꄉ,ꐊꑷꃅꊼꇅꌣꈚꌠꐧꋦꋈꄻꐛꌠꂫꋓꊋꐛ,ꃅꋊꀊꏀꋎꌠꍏꇩꐛꐨꐧꋦꉪꏦꇰꀋꃀꃅꊋꐛꌠꇑꅜꄉ,ꍏꉸꊿꋅꇰꀋꃀꃅꀱꌄꆣꇁꌠꍏꇩꉪꐨꃅꇫꑟꌠꎁꃅꀋꆏꃅꉈꈽꌠ
642Please respect copyright.PENANAh2qKbsROdM
ꇬꂾꉪꐨꎺꑲꆀ,ꌤꃅꌊꑞꅉꑟꄎ。ꍏꇩꇭꍣꄈꊿꃤꇬꂾꉪꐨꌋꆀꂿꃆꆹ,ꍏꇩꏓꂱꎁꃅꌒꐪꏂ,ꍏꉸꊿꋅꎁꃅꀱꌄꆣꇁꌠꏂꌠꉬ。ꇬꂾꉪꐨꌋꆀꃅꎁꋋꏢꆹꍏꇩꇭꍣꄈꊿꋌꇱꊡꀮꌊꀋꆏꃅꀒꁨꆹꌠꊇꅉꇙꊋꉬ。ꄈꑭꊂꐋꀨꆏꀋꎪꃅꐥꍂꃅꏓꂱꌋꆀꐯꇯꌗꋏꌗꈻ、ꐯꇯꐥ、ꉌꂵꐮꐊꄉ,ꐥꍂꃅꏓꂱꐥꐨꉾꃪꌠꏭꉪꌠꌌꉈꈽꌠꁻꌐꃅꄉ,ꆏꇁꀋꉆꌠꉌꊈꐛꐪꌋꆀꆸꆏꉈꀋꎞꌠꉈꈽꄟꌌꄉ,ꐪꊛꄉꍏꉸꊿꋅꇰꀋꃀꃅꀱꌄꆣꇁꌠꉻꒉꁻꌐꇬꉜꄉꀬꅑꃅꀒꁨꆹꌶ
642Please respect copyright.PENANAkPNNvVslLI
ꀋꃋꋋꄮꇬ,ꇩꈐꇩꉈꃅꒊꃅꇁꇬꊎꃹꅼꌼꇪꃅꐛꐈꇰ,ꉪꇩꏤꀻꎆꌠꄡꇗꄐꇐꊜꋽꄮꀋꂿꑘꊬꌠꇬꃹꎍ,ꊫꂫꁤꇅꀕꐯꁤꇅꀕ,ꋓꎭꌠꑌꊜꊋꐯꊜꊋ。ꄈꑭꊂꐋꀨꆏꀋꎪꃅꂥꅂꎴꉜ、ꌒꑍꎭꉪ,ꀬꃅꄺꀱ、ꀬꃅꏀꀺ,ꐥꍂꃅꎹꑇꀋꐛ、ꐥꍂꃅꆏꇨꀋꎍꃅ,ꇩꏤꑭꊂꊿꋅꈁꐥꌠꏓꂱꋯꑌꏃꂠꌌꐊꑷꃅꊼꇅꌣꈚꌠꐧꋦꋈꄻꐛꌠꂫꋓꊋꐛ,ꈏꇤꊋꇤꄉꃅꋊꀊꏀꋎꌠꍏꇩꐛꐨꐧꋦꉪꏦꇰꀋꃀꃅꊋꐛꌠꇑꅜꌶ
最後
謝謝大家
ns3.138.67.8da2