「某 --ê，阿蓮毋知去佗位--ah! 若會 tshuē 無人--ah?」阿爸敲電話kā in某講，真正足 tio̍h-kip--ê。
「我嘛毋知影，敢是走去同學in兜?是做啥物歹代誌毋敢 tńg--lâi oo?我看是驚 hōo 你罵！」阿母嘛 teh 煩惱，毋過伊嘛驚 in 查某kiánn hōo in 老爸sai kap 罵。
287Please respect copyright.ＰＥＮＡＮＡYmw2ni6F9w
「好 ah！這馬 lóng幾點 ah! Teh-beh 11 點ah！先睏，明仔載tsiah 去 tshuē 人 lo̍h!」 阿母 teh kā 阿爸趕去睏，伊講伊會鬥想辦法。
287Please respect copyright.ＰＥＮＡＮＡCoabIwwQlm
阿蓮 in 老母這暝先tuà 佇 in小弟 ê 厝， 明仔載 tsiah 去 tshuē 人。
隔轉工透早，天猶未拍phú光，阿爸就款款--leh，欲去 tshuē 伊ê 查某kiánn 阿蓮。Kâng這 ê 時陣，阿母嘛起床欲去看阿蓮走去佗位。
「Gâu-tsá，我tiàm 厝 --nih 等你 tńg--lâi tsiah 做伙去 tshuē，好 -- 無？」阿爸透早就敲電話hōo in某，講欲問伊按怎較好。
「翁 --á，我看咱先分開行動較好，毋免等我oo! 我會想看按怎tsiah 好。你去朋友 hia 問tsi̍t-ē-á 風聲。」阿母講 kah 蓋成足有把握 --ê。
「好啦！我先去林 --á hia 看覓。Ah 無就愛去報案 ah! 這 ê gín-á 實在是 hooh……」
287Please respect copyright.ＰＥＮＡＮＡhmAvnVZR9D
彼 ê 阿蓮因為看著伊 ê 好朋友 hia 有一支足 suí ê 筆， 看 -- 著 就誠 kah-ì，就偷偷仔 kā 彼支筆偷藏 --khí-lâi。伊 ê 好朋友發現伊心愛 ê 筆無 -- 去 ah，就足tio̍h-kip，問阿蓮敢有看 -- 著。伊 ìn-kóng伊無 看 -- 著，按呢是欲對佗位 tshuē--khí leh？
287Please respect copyright.ＰＥＮＡＮＡgAFvJsADyJ
阿蓮 ê 好朋友號做阿芳。伊是一 ê gín-á-tioh ê 人，想講阿蓮應該 buē 按呢做才著。伊就去問有看過彼支筆 ê 人， 毋過按怎問就是無人知。
阿蓮知影代誌 bái ah!毋知按怎較好。阿芳嘛kā in 阿爸問過，因為伊嘛hōo in 爸仔看 -- 過，所擺驚 in 老爸發現就佇外口luā-luā-sô。閣走去伊 ê 朋友 ê 厝，bih 佇 hia毋敢 tńg--khì。
這幾工，逐家攏teh tshuē 阿蓮。In 阿爸透過伊 ê 朋友知影阿蓮佇佗位，就趕緊 kā in某講。
阿爸騎 leh 騎 leh，毋知騎偌久才到。伊騎去阿美 kā 伊報ê 住址了，就去hia 喝咻。講:「有人佇 leh 無？ 阿蓮…，阿蓮敢有佇內底？」
287Please respect copyright.ＰＥＮＡＮＡVKmmyGegWQ
這時一 ê gín-á 走出來，伊 sa-bô-tsáng 講：「有啦! 你是啥人 ah?」
阿爸本底憂頭結面，這馬聽著阿蓮佇內底，會當看著 in 查某kiánn 就足歡喜 ah!
阿蓮聽著阿爸 ê 喝咻聲，就驚kah phi̍h-phi̍h-tshuah，因為伊驚阿爸 kā 伊罵。
這 ê 時陣，阿爸入來這間厝nih，看著失蹤幾若工 ê 阿蓮，就按呢目屎 lìn--lo̍h-lâi。
287Please respect copyright.ＰＥＮＡＮＡ327aVrwpF6
伊講：「阿蓮，我ê 寶貝查某kiánn，阿爸足想你的。來，阿爸載你 tńg--khì!」
阿爸心內想:「這ê gín-á 毋知是做啥物代，tsiah無轉來厝，, 我 buē-tàng 先 kā 罵。」
阿蓮 hōo 阿爸載，伊心內 teh 想：「這聲阿爸一定問我做啥貨，我欲按怎講？」
287Please respect copyright.ＰＥＮＡＮＡuzhgRDZAEA
騎到厝 --nih，阿蓮看著阿母坐佇廳頭，頭面無蓋好，這聲好ah!
阿爸看著 in某面腔無好，就先叫去邊仔細聲 kā 問：「你是按怎失蹤tsiah 久。阿爸雖罔無富有，毋過盡量會達成你 ê 心願，因為我干焦你一 ê kiánn 爾。」阿爸開喙講了，阿蓮 liam-mī 就吼出來ah！伊kā 阿爸攬牢牢，講：「阿爸，你誠實會買 hōo 我？」
287Please respect copyright.ＰＥＮＡＮＡc0sRveJmqd
阿爸 ìn-kóng：「真正 ah! 我 hiah 疼你，你毋免講 hiah-tsē 啦！」
阿蓮 kā 阿爸講：「阿爸真失禮。我 kā 阿芳 ê 筆藏起來，害伊tshuē 無。我毋敢 kā 伊講，嘛毋敢kā 你講，心內實在足艱苦的。」
287Please respect copyright.ＰＥＮＡＮＡ3gIQ8F3CDZ
「你 oo！來，我 kā 你講，你偷偷仔kā 彼支筆 kap 你欲會失禮 ê 字條寫寫 leh！Kā 伊 khǹg tiàm in兜 ê 門ê 下面就好。你試看覓，好無？」
阿爸講 ê 話，阿蓮感覺阿爸毋是teh kā mē，是teh kā 教，就無hiah-nī 緊張ah!
287Please respect copyright.ＰＥＮＡＮＡ0k0WJFvJkV
阿蓮照阿爸講 --ê 落去做。一ê 禮拜就接著阿芳 ê 電話。伊講：「你 hiah-nī kah-ì 就送 hōo 你，你毋免用『藏』--ê 啦！」
阿蓮感覺伊家己毋著，嘛無閣kā 阿爸 a̍h-sī 阿芳討ah！伊知影伊身軀邊 ê人攏對伊真好，嘛無閣huān ah！
阿蓮 tsū 這件代誌了後，伊就決定欲幫贊足濟人。伊大漢後，做一 ê 心理師造福逐家。
287Please respect copyright.ＰＥＮＡＮＡLv26IvPuu2
287Please respect copyright.ＰＥＮＡＮＡG5KyCMa02u
287Please respect copyright.ＰＥＮＡＮＡsuo1nZE7Xn
＊刊登於台文戰線NO.55(2019/7月)
ns 15.158.61.6da2
