《病港２》 - ４８

４８

Feb 4, 2021

1991

9 Mins Read

對於我的說話，櫃檯女職員一時未能反應：「……嗯？」

「一個叫馮覓嘅病獵，死咗。」我再說一次。

女職員快速消化半驚半疑的訊息，然後伸手去撥打電話。

「仲用到電話……」我環顧整橦協會的內部，打量每個角落小細節：「咁證明應該仲有發電、有網絡

。」

黃銅色的地磚、綠油油的窗框、簡潔的白色牆身，相比起艾寶琳古色古香的病獵公會，夕鯨國的病獵協會很有摩登的味道。

女職員將我特意帶來的消息告訴電話裡頭的某人後，心有餘悸的她叫我站在原地稍等，然後協會內位於最高層的升降機就運作起來，快速乘載住某個健壯的人落到地面。

他是個熱帶雨林探險家服裝打扮的男子，頭髮不長但還是紮了個小馬尾，很配合他陽光的氣氛。對方一步出升降機，就走近櫃檯瞄一瞄女職員，又瞄一瞄我。

「就係呢位先生帶消息嚟。」女職員說。

「你好，我叫瑪昆，協會入面嘅資深病獵。」瑪昆一來，就跟我握手。

「嗯。」我握住。

「你話見過馮覓？喺邊到見到。」瑪昆直問。

「東區那打素醫院。」我答。

「好，請你跟一跟我嚟。」瑪昆帶我到升降機裡。

「其實我只係帶個口訊，不過你既然想帶我參觀……」升降機採用全玻璃，能一覽上升時的美景：「

我都無所謂。」

瑪昆按下十樓的鈕，次級高的樓層：「之後你見到嘅一切內容同事情，請你要保密。」

「嗯？」這傢伙強行把氣氛弄得有些懸疑。

升降機順利流暢地上升，沒有突然斷電之類的問題。

同時讓我看見到這橦病獵協會各個樓層的人，都是人才濟濟。

在一至三樓，有醫療室、宿舍床位、大飯堂、武器庫等。

四至六樓則可以看見不少人正在進行格鬥訓練、上課、研究之類。

1995Please respect copyright.ＰＥＮＡＮＡQWCfHmVqJy

到七至九樓則最為神秘，不少很看似職員的人物配戴著耳機和麥克風，專注地盯緊電腦螢幕，就如電視劇中的情報局一樣。

「叮」到第十樓。

「請跟我嚟。」瑪昆繼續為我領路。

十樓較好的是這裡相對封閉，不像九樓以下的地方那樣，會給樓上樓下的人看見自己正在做什麼。

而且這裡的人，氣場不太簡單。

他們的眼神、身上的傷疤、手上的武器，無一不透露著他們自己的故事……

病獵故事。

眼神是騙不了人，特別是面臨死亡的人。

「佢哋都係正式錄用嘅病獵？」我問。

「無錯，佢哋係，而且有唔少都已經係資深級數。」瑪昆答。

這裡有數個大大小小的研討室，因為有些房間沒有拉下窗簾，我能看到他們桌子上擺放的建築物圖則、白板上擬定的攻入計劃、還有眾人那張凝重、思考、小心的表情。

「呢到嘅病獵文化發展得幾好。」我說。

「每年約莫有超過千個投考者。」瑪昆行入走廊期間，一邊為介紹協會：「當中得唔夠三份一符合資格，然後又有過半人捱唔過訓練而落選、喺唔夠個一百人入面，再有超過七成人因為外面實習而不幸死亡，最後淨低約莫嘅二、三十人，就可以初步加入病獵協會。」

「……」我無言在於相對艾寶琳來說，只要你是人類就可以成為病獵，當然還要上一個很容易畢業的

課程。

「咁嚴格？」

「因為病者唔係講笑，無心而戰、無能而戰嘅人，我哋唔會錄用，咁做只係確保人類唔會咁輕易去送死。」瑪昆稍稍回頭，以那誠然的眼神望住我：「你要知道……人類持之以恆嘅社會已經崩塌，我哋作為倖存落嚟嘅人，如果輕易咁斷送自己性命出去，係不負責任。」

他的樣子跟個性很匹配。

最終，瑪昆是把我帶到走廊盡頭，一間獨立的辦公室前。

開門進入前，瑪昆事先跟我說明：「你即將要見嘅，係病獵協會嘅會長。」

「會長……對我有咁高待遇。」

1995Please respect copyright.ＰＥＮＡＮＡOJNbcb5QxT

「咁係因為你知道咗啲嘢。」瑪昆將門打開。

一片白光隨即入眼，我稍稍瞇上眼皮。

辦公室採用了落地大玻璃，使得外面的陽光毫無掩飾地透射入來。

在我面前，有三個人……

其中兩個站在辦公桌前的一左一右，就像左右護法般，他們居然是我見過的墨言和墨語。至於會長，他坐在一張大班椅上，因為背光的問題使我無法清晰的看見其臉孔。

在瑪昆把門關上後，背光情況稍為輕減，我才留意到會長並沒有臉孔……

應該說他穿住件長袍，而那件長袍的則徹底將其臉孔掩蓋住。無論外貌、性別、年齡，我都無從得知，不得而知。

「會長，就係佢。」瑪昆回報。

會長那猶如深淵、一片漆黑的五觀，彷彿默默注視著我。

十數秒後，才開腔：「Ｍ。」

我眼睛不自覺瞪大，不過很快平復下來：「你點知道？」

他的聲音明顯經過加工處理，混合住雜訊和低沉的電音。

「你嘅資料辦理護照嗰陣，已經記錄入夕鯨國數據庫，而我哋病獵協會係有權查閱任何一口個居民資料。」瑪昆代為回答。

「原來係咁。」

原來個鬼。

先不說夕鯨國至少也有接近五萬的人口……

他真的可以每一個人都記得這麼清楚嗎。

「Ｍ，可以詳述馮覓發生嘅事？」會長繼續以那把不屬於他的聲音，問。

「簡單嚟講就係佢俾一個特殊病者捉咗，然後疑似做咗一啲慘無人道嘅實驗，搞到半死不活咁。」我說。

「你講嘅特殊病者……」瑪昆拿上桌子的手提電腦，呈現螢幕的畫面予我看：「係佢？」

電腦螢幕上，正正顯示著ＤＲ．Ｄ盤坐的照片。

1995Please respect copyright.ＰＥＮＡＮＡacqWBeiMEg

從這張照片的角度來看，應該是偷拍的。

「係佢。」我點頭。

「白羅剎。」瑪昆對會長點頭確認。

「白羅剎？」我一瞬即逝的詫異，給會長察覺到。

「協會為佢起嘅稱呼。就好似你咁單字一個「Ｍ」，都不過係稱呼。」會長回答。

「嗯……」似乎只有我知道ＤＲ．Ｄ的來歷。

「佢已經殺咗我哋唔少病獵，連好似馮覓咁嘅高手都……」瑪昆有點難以置信，雙手撐住桌子：「馮

覓已經係我哋特登派出去追蹤白羅剎嘅大病獵。」

「好消息係，我已經幫你哋擊退咗佢。」我溫柔的輕輕抿唇。

「係？」瑪昆回首。

「擊退？」會長語氣沒有表達，但都應該感到了訝異：「點樣擊退法。」

「用我嘅方法。」詳細當然不會說出。

什麼飛天遁地的，他們應該不會相信。

「你要知道白羅剎係刀槍不入。」墨言提醒我一句。

「表皮仲有吸附嘅能力。」墨語提醒我第二句。

「可以點樣證明。」會長直問重點。

正好，說不定可以借助他們，將ＤＲ．Ｄ的本體帶上岸。

「條屍喺海中心到，你哋有興趣嘅可以去執。」

「但海係有波動，條屍都應該飄咗去邊……」瑪昆說。

「唔會，佢條屍宜家重過重金屬，而且我知道確實位置。」我說。

房間沉靜了好一會，就像給各人短暫的思考空間。

「Ｍ，你嚟夕鯨國嘅目的係？」會長打破沉默，轉問。

其實沒有太大目的，單純想追擊ＤＲ．Ｄ而來。

現在完事，只欠一些手尾。

1995Please respect copyright.ＰＥＮＡＮＡBQewBZoR8t

「暫時想搵一個人吧。」

「明白。」坐足全場時間都一動不動的會長，問：「你有冇興趣參觀一下協會。」

「當然有。」跟病者打交道的人，當然想看其他人是怎樣跟病者打交道。

「瑪昆。」會長將這差事情交給他。

「知道。」接下來，瑪昆就帶我出去在協會內一日遊。

1995Please respect copyright.ＰＥＮＡＮＡYqxBZfl7cT

ns 15.158.61.51da2

４８

REGISTER

LOGIN

Interface Language:

Story Language: